Рим папаси Франциск католиклар томонидан нишонланадиган Пок пайшанба куни вақтинчалик истиқомат қилиш марказидаги сиёсий бошпана сўраган 12 нафар художўй – 11 нафар қочқин ва италиялик аёлнинг оёғини ювиб ўпиб қўйди.

12 нафар диндорларнинг беш нафари католик (улардан тўрттаси нигериялик ёш йигитлар), уч нафари мусулмон, уч нафари қибтий ва ҳинду бўлган.

Оёқ ювиш маросими Исо Масиҳ биродарларча самимий меҳр ва камтарлик рамзи сифатида ўз шогирдларининг оёғини ювиб қўйган Сирли кеча ҳақидаги Инжилда келтирилган ҳадис асосида ўтказилади.

Бу йил понтифик биринчи марта маросимни Римдан ташқарида – Италия пойтахтига яқин бўлган Кастельнуово-ди-Порто шаҳарчасида ўтказди.

Оёқ ювиш пайтида понтифик Брюсселда содир этилган қонли терактларни эслади. Францискнинг айтишича, бу воқеалар ортида, худди Иуданинг ортида кимдир ёмонликларга даъват этгандек, бошқа одамлар бор.

822 нафар қочқинлар истиқомат қилаётган вақтинчалик бошпана марказида Рим папаси Раббий Кечаси мессаси (католиклар ибодати ва шу ибодат маҳали айтиладиган куй)ни амалга оширди ва учта қочқинлар оиласи билан кўришди.