Хитойда ноқонуний вакцина айланмасига билан боғлиқ жиноий ишда гумон қилиниб 130 нафардан ортиқ киши ҳибсга олинди ва 20 дан ортиқ турли вакциналар мусодара қилинди.

Хитой полицияси сотилган дори воситаларининг умумий қиймати, аввал хабар берилганидек, 570 миллион юань (88 миллион доллар) эмас, балки 310 миллион юань (47,6 миллион доллар) эканини баён қилган. Бу ҳақда ХХР Жамоат хавфсизлиги вазирлиги вакили Хуа Цзинфэн маълум қилди.

“Савдо 2011 йилдан буён олиб борилган ва Хитойнинг 20 дан ортиқ музофотларини қамраб олган. “Ҳуқуқни муҳофаза қилиш органлари ҳамон вакциналар оқимини кузатишда давом этмоқда”, - дейди Хуа Цзинфэн.

Ҳукумат маълумотига кўра, бу йирик жиноий ишга алоқадорликда 29 та фармацевтик компания ва эмлаш ҳуқуқига эга 16 та тиббиёт муассасаси гумон қилинмоқда. “Шаньдун провинциясидаги учта фирма лицензиядан маҳрум этилди ва уларнинг фаолияти тўхтатиб қўйилди”, - маълум қилди ХХР озиқ-овқат ва дори воситаларини назорат қилиш Давлат бошқармаси вакили Ли Гоцин.

Жиноий ҳаракатнинг асосий фигурантлари шандунлик Пан фамилиялик собиқ фармацевт ва унинг қизи воситачилар билан ҳамкорликда вакциналарнинг ноқонуний айланмасини йўлга қўйишган. Гумон қилинаётган шахслар заводда ишлаб чиқарилган препаратлар билан савдо қилишган, бироқ уларнинг сақланиш муддати ўтган ёки нотўғри сақланган.

Соғлиқни сақлаш органлари мансабдорларининг гувоҳлик беришича, Хитойда вакцинация билан боғлиқ шубҳали асорат ҳолатлари қайд этилмаган.