Ўзбекистонлик ёш боксчилар Вильнюс шаҳрида (Литва) бошланган анъанавий халқаро турнирда муваффақиятли иштирок этмоқда. Бу ҳақда “ЎзА” хабар бермоқда.

Ўзбекистон миллий олимпия қўмитасидан маълум қилинишича, 1998-1999 йилларда туғилган боксчилар ўртасида ўтказилаётган мусобақада Литва, Ўзбекистон, Германия, Франция, Италия, Нидерландия, Греция, Венгрия, Польша, Чехия, Австрия, Тунис, Исроил, Озарбайжон, Россия, Грузия, Беларусь, Эстония, Латвия, Украина, Қозоғистон ёшлар терма жамоалари баҳслашмоқда.

Вазни 56 килограммгача бўлган боксчилар ўртасида Ўзбекистон вакили Шунқор Абдурасулов қозоғистонлик Серик Темиржановни, 64 килограммгача вазн тоифасидаги чарм қўлқоп усталари баҳсида Абу Нуранов венгриялик Доминик Девенжини, вазни 81 килограммгача бўлган спортчилар ўртасида Санжар Турсунов литвалик Эдвинас Макиевисни мағлубиятга учратиб, навбатдаги босқичга йўл олди.

Халқаро турнир 27 мартга қадар давом этади.