Британиянинг The Independent газетаси 26 мартда охирги марта босма кўринишда чоп этилади. Бу ҳақда газета сайтида маълум қилинди.

Маълум қилинишича, газета энди фақатгина рақамли кўринишда чиқади.

Нашрнинг бош муҳаррири Лиза Марквэлл 26 йил давомида газетанинг чиқарилишига ўз ҳиссасини қўшиб келган барча ходимларга миннатдорчилик билдирди ва бу уларнинг фаолиятининг охири эмаслигини таъкидлаб ўтди.

Марквэлл газета фаолиятининг илк кунлари ва энг ёрқин лаҳзаларини эслаб ўтди.

Газета эгалари Александр ва Евгений Лебедевлар ўтган ойда газета активларини сотишни режалаштираётганларини маълум қилгандилар.

Аввалроқ газета ўзининг босма кўринишидан воз кечмоқчилигини маълум қилганди.