Американинг Cygnus юк космик кемаси Халқаро Космик станцияга улангач, экипаж аъзолари ердан юборилган 3,5тонна юкни қабул қилишади. Бу ҳақда NASA хабар қилмоқда.
Cygnus’нинг станцияга уланишини экипаж командири Тим Копра ва NASA астронавти назорат қилади. Юк кемаси улангандан сўнг, тахминан 2 ой фазода қолади.

Кема воситасида орбитага экипаж аъзолари учун зарур нарсалардан ташқари, метеоритларнинг кимёвий таркибини ўрганиш учун Meteor ускунаси ва 3D принтер ҳам етказилади.

Ускуналарнинг бир қисми эса, кеманинг бортида ҳам қолдирилади. Улар ёрдамида ёнғинларнинг фазодаги ҳолатини ўрганиш мақсадида Saffire-I тажрибаси ўтказилади.

Бундан аввал, ХКСга мевалар, пиёз ва саримсоқпиёз ҳам етказилиши хабар қилинган эди.