Яманнинг Адан шаҳрида террорчи-худкушларнинг учта ҳужуми оқибатида 25 киши ҳалок бўлди, деб хабар бермоқда мамлакат ҳарбий тузилмаларидаги манбага иқтибос келтирган ҳолда "Синьхуа" ахборот агентлиги.

Манбанинг айтишича, ҳужумлардан иккитаси Яманнинг вақтинчалик пойтахти бўлиб турган Аданнинг ғарбидаги Аш-Шаъб туманидаги иккита назорат-ўтказиш пунктида амалга оширилган. Худкушлар иккита миналаштирилган автомобилни портлатган.

Яна бир портлаш Аданнинг марказидаги Ал-Мансура туманида содир этилган: Саудия Арабистони ва БАА қуролли кучлари базасига кетаверишдаги йўлда жойлашган назорат-ўтказиш пунктида миналаштирилган тез ёрдам машинасини портлатиб юборилган.

Портлашлардан кейин ўнлаб жангарилар базани босиб олишга ҳаракат қилган, бироқ тревога бўйича ҳавога кўтарилган БАА қуролли кучлари самолёт ва вертолётлари террорчиларнинг ҳужумини қайтаришга муваффақ бўлган.

Адандаги шифохона вакилининг айтишича, ҳалок бўлганлар орасида оддий фуқаролар кўпчиликни ташкил қилади. Шунингдек, 15 киши яралангани маълум қилинган.

Ушбу терактлар учун жавобгарликни ИШИД ўз зиммасига олди.