"ЮТэйр" авиакомпанияси 1 апрелдан 4 соатгача давом этадиган рейсларда йўловчиларга бепул егулик беришни бекор қилмоқда, деб айтилди авиакомпания тақдимотида.

Шунингдек, авиакомпаниянинг бундай рейсларида йўловчиларга сэндвич, снэк, яхна ва иссиқ ичимликлар сотиш мўлжалланмоқда. 5 соатдан узоқроқ давом этувчи рейсларда эса йўловчиларга белгиланган рационга мувофиқ бепул егулик берилади.

Ўтган йил охирида авиакомпания Light тарифи – тежамкор-синфдаги, юк ташилишини кўзда тутмайдиган арзон чипта киритилишини эълон қилганди. Тариф ичига 10 кг гача қўл юкини олиб юриш киритилган. "Гибкий" ва "Стандарт" тарифларига эса 23 кг гача юкнинг бепул ташилиши киритилган.

"ЮТэйр" тақдимотида меъёрдан кўпроқни ташкил қилган юкка нархлар ҳам келтирилган. Мисол учун, барча рейсларда, Узоқ Шарқ ва Марказий Осиёга рейслардан ташқари, салонда ҳайвон ёки спорт анжомини ташиш 2 минг рубль туради. Ўлчовлар ошиб кетганда ҳам шунча ҳақ тўлашга тўғри келади. 23 кг дан ошиб кетган юкка 32 кг гача бўлса, 2 минг рубль, 32 кг дан 50 кг гача бўлган юкка эса 4 минг рубль тўлашга тўғри келади.

Шунингдек, авиакомпания 1 апрелдан тежамкор-синфда оёқлар учун кенгайтирилган жойни танлаш хизмати киритилмоқда. Йўловчи учун бундай жой 1,5 минг рубль ёки 20 евро эвазига тақдим қилинади. Шу билан бирга "Ютэйр" бонус тизимининг Gold ёки Silver пластик карталари эгаларига бу хизмат бепул тақдим қилинади.

"ЮТэйр" авиакомпанияси Россиянинг 3-рақамли йирик авиаташувчиси ҳисобланади. 2014 йил ёзда компания сарф-харажатларни қисқартириш бўйича дастурнинг жорий қилинишини эълон қилганди. Дастурда бошқарув ходимлари сонини қисқартириш, йўналишлар тармоғини оптималлаштириш, йўловчиларга хизмат кўрсатиш вақтини камайтириш кўзда тутилган.