Қатарнинг Al Jazeera телекоманияси ўзининг бутун дунё бўйлаб жойлашган бўлимларида жами 500 нафар ходимини ишдан бўшатишга қарор қилган. Бу ҳақда Associated Press нашри хабар тарқатди.

Қайд этилишича, ходимлар сонини қисқартиш заруриятига телеканални молиялаштирадиган компанияларнинг энергия нархлари арзонлашиши туфайли кўраётган зарарлари сабаб ҳисобланади.

Al Jazeera телеканалидагиларнинг маълумотига кўра, қисқартиришлар орқали кадрлар оптималлаштирилади.

Маълумотларга кўра, телеканалда айни вақтда 4500дан ортиқ ходим фаолият кўрсатмоқда.