Сурия президенти Башар Асад Пальмира шаҳрининг ИШИД қўлидан озод этилишини ҳукумат ҳарбийлари ва иттифоқчи кучларнинг биргаликда стратегик муваффақиятга эришиши деб баҳолаган. Бу ҳақда SANA хабар тарқатган.

"Тарихий аҳамиятга эга Пальмира шаҳри Сурия армияси ва иттифоқчиларнинг терроризмга қарши курашдаги стратегик ҳаракатлари самарасидир", деган у Дамашқ шаҳрида франциялик парламентарийлар билан учрашув вақтида.

Бундан олдинроқ, Сурия қуролли кучлари қўмондонлиги Пальмиранинг озод этилганини тасдиқлаган, бунда Россия Ҳарбий космик кучлари самолётлари кўмак бергани ҳақида хабар берилганди.