Ҳиндистонда Ҳоли номи билан машҳур бўлган баҳорий байрам бўлиб ўтди. Бу кунда ҳиндистонликлар анъанага биноан бир-бирларига рангли бўёқлар суркашади ва кунни хурсандчилик билан ўтказишади.

Ҳоли байрами қиш устидан баҳорнинг ғалаба қилиши рамзи ҳисобланиб, уни ёвузлик устидан эзгуликнинг ғалаба қилишига қиёслашади. Бу кунда узилиб кетган алоқалар тикланади, "душманлар" ярашади, одалар ўйнаб-кулишади ва катта гуруҳлар бўлиб хурсандчиликлар қилишади.

Диний байрам ҳисобланадиган Ҳоли байрами баҳор фестивалига айланиб кетади. Уни севги тантаналари деб ҳам аташади.

Бугунги кунда унинг нишонланиш ҳудуди кенгайган, байрам нафақат Ҳиндистонда, Непал, Покистон, Фижи, АҚШ ва Европада ҳам ўтказилади.

Суратлар: AFP