Россия президенти Владимир Путин Сурия президенти Башар Асад билан телефон орқали суҳбат ўтказди. Путин бу суҳбат давомида Асадни Пальмиранинг озод этилиши билан табриклади.

Бу ҳақда Путин матбуот котиби Дмитрий Песков маълум қилди, деб хабар бермоқда РИА “Новости” ахборот агентлиги.

"Сурия президенти билан суҳбатда Владимир Путин ўзининг ҳамкасбини суриялик ҳарбийлар томонидан Пальмира шаҳрининг озод этилиши билан табриклади ва дунё маданияти учун бу ноёб тарихий шаҳарнинг сақлаб қолиниши муҳимлигини таъкидлаб ўтди", деб айтди Песков.