Бирлашган Араб Амирликлари Олий суди 11 нафар кишини террорчилар билан алоқадорликда ва мамлакат ҳудудида терактлар ташкил қилишда иштирок этганликда айблаб умрбод қамоқ жазосига ҳукм қилди. Бу ҳақда маҳаллий манбаларга асосланиб, WAM ахборот агентлиги хабар тарқатган.

Шунингдек, шу айблар қўйилган 2 кишига 15 йилдан, 13 кишига эса 10 йилдан қамоқ жазолари тайинланган. 2 кишига 5 йилдан, 6 кишига 3 йилдан қамоқ жазоси белгиланган.

Хабар қилинишича, суд қилинганларнинг 7 нафари оқланган, яна 2 нафар киши сиртдан умрбод қамоқ жазосига ҳукм қилинган.

БААда жами бўлиб 41 киши ИШИД бўлимини тузишда айбланиб, суд қилинган.