Фидель Кастро: Куба империализм совғаларига муҳтож эмас

Жаҳон 28 Март 2016 443

Куба инқилоби етакчиси Фидель Кастронинг айтишича, "Кубага "империализм совғалари керак эмас", мамлакат аҳолиси эса, "таълим-фан ва маданият тараққиёти сабаб қўлга киритган шон-шуҳрати, ҳуқуқи ва маънавий бойлигидан воз кечмайди".

Бу ҳақда унинг орол давлат йирик нашрларида чоп этилган “Обама оға” номли мақоласида сўз юритилган.

89 ёшли Кастро АҚШ президенти Барак Обаманинг Кубага ташрифига бағишланган мақоласида "биз дунё аҳолисининг ўзаро тинч-тотув ва дўст бўлиб яшаши принципига содиқмиз" дея таъкидлайди.

У шунингдек, Обаманинг 22 март куни Ҳавана Катта театрида қилган нутқидан ҳам иқтибос келтирар экан, ўз қарашларини билдириб ўтади.

Эслатиб ўтамиз, 2014 йил декабрида президент Обама Вашингтоннинг Кубага нисбатан сиёсати давр талабига жавоб бермаётганини тан олиб, икки томонлама муносабатларни тиклаш ва орол давлатга қарши санкцияларни юмшатиш зарурлигини айтган эди.

Бунга, АҚШ ва Куба ҳукумати вакилларининг Канада ҳамда Ватикан сайъи ҳаракатлари натижаси ўлароқ бир неча бор учрашгани асос бўлди. Рауль Кастро ва Обама Панамада бўлиб ўтган еттинчи Америка саммити доирасида, шунингдек, 2015 йил апрель ва сентябрь ойларида БМТнинг Нью-Йоркдаги форумида учрашган эди.

Ҳавана ва Вашингтон 2015 йил 20 июль куни дипломатик муносабатларни тиклаб, икки давлат пойтахтларида 1977 йилдан бери фаолият юритиб келган Манфаатлар марказини элчихоналарга айлантирди.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 7570 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 39736 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 63017 Ўзбекистон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 39738 Ўзбекистон
Бобурбек Мадраҳимов қандай қилиб тест синовларида 306,9 балл тўплади?
10:58 / 16.08.2017 142280 Жамият
Кун.uz офис изламоқда
15:48 / 06.08.2017 39453 Lifestyle
Миллий ахборот майдонида монополиянинг куни битди
18 август куни Ўзбекистонда ҳаво булутли бўлиши кутилмоқда
Давлат органлари ва ССП мутахассислари тадбиркорларни ўқитади
Давлат дон инспекцияси олдига янги вазифалар қўйилди
Кўпроқ янгиликлар