Суриянинг Пальмира шаҳрининг ИШИД жангариларидан озод этилиши Суриядаги вазият Россия аралашувидан кейин қанчалик ўзгарганини кўрсатади, деб ёзмоқда ғарб матбуоти.

Пальмиранинг озод этилиши Сурия ҳукумати учун муҳим стратегик роль ўйнайди, деб ёзмоқда Ғарбнинг нуфузли нашрлари. Washington Post газетасининг таъкидлашича, ЮНЕСКО жаҳон мероси рўйхатига кирувчи қадимий шаҳарнинг қўлга киритилиши Башар Асад учун муҳим ғалаба бўлди. Газетада бу ғалаба "жангариларга катта талофат етказиб, Асаднинг мавқеини мустаҳкамлаган" Россиянинг ғалабаси ҳам дейилган.

"Бу жанг Россия аралашуви Асаднинг мавқеини қанчалик ўзгартирганини навбатдаги маротаба кўрсатди", деб ёзмоқда WP New York Times.

Худди шундай фикрни The Guardian британ нашри келтирмоқда. Нашр шарҳловчилари Пальмиранинг озод этилиши Дамашқ ва Москвада "жанговар руҳни анча оширади" деб таъкидламоқдалар.

Сурияда инсон ҳуқуқларига амал қилинишини мониторинг қилиш маркази мутахассислари ИШИД жангарилари 2013 йилда "ҳалифаликни" эълон қилганидан кейин энг катта мағлубиятга учраганини айтмоқда.

"Асад учун Пальмиранинг қайтариб олиниши рамзий ва стратегик аҳамиятга эга. Унинг қўшинлари энди Раққага ҳужум қилиш учун яхшироқ позицияларни эгалладилар", деб ёзмоқда Die Zeit немис нашри.

Экспертларнинг фикрича, ИШИДнинг Пальмирада мағлубиятга учраши унинг "катта Сурия чўли" устидан назоратни йўқотишига олиб келади.