Regiobahn немис темир йўл компанияси Хемниц ва Лейпциг орасидаги поездларга аёллар учун алоҳида вагонларни таъминлаб беради, дея хабар беради Mirror нашри.

Компания аёлларнинг номусга тегиш бўйича берган шикоятлари сабабли ушбу янгиликни киритишини эълон қилди.

Янги вагонлар поездда локомотивдан кейин кетма-кет жойлашади. Вагонга поезд ҳайдовчисининг яқин бўлиши аёллар ўзини бехавотир ҳис этишига ёрдам беради.

Бироқ, компания вакилларининг айтишича, мазкур чораларнинг амалга оширилишида ўтган йилнинг 31 декабрь куни Кёльн шаҳридаги содир бўлган воқеаларнинг алоқаси йўқ.

Янги йил арафасида Германия полициясига Кёльндаги ўнлаб мигрантлар томонидан амалга оширилган, дея тахмин қилинган номусга тегиш тўғрисида 800дан ортиқ шикоятлар келиб тушган.