Ироқ Халқаро валюта жамғармаси вакиллари билан музокаралар бошлади. Бу ҳақда мамлакат молия вазири маълум қилди.

Вазирлик баёнотига кўра, "Ироқ ХВЖ вакиллари билан молиявий ва иқтисодий масалалар бўйича музокара жараёнини бошлади". Иорданияда бўлиб ўтаётган музокаралар 27 мартда бошланди ва 28 мартда якунланди. Ироқ делегацияси таркибига молия вазири, Марказий банк раҳбари, нефть вазирлиги, электр энергетикани режалаштириш вазирлигидаги юқори лавозимли мансабдор шахслар кирган. Ироққа маблағлар тақдим қилувчи донорлар сифатида ХВЖдан ташқари, "Жаҳон банки, АҚШ ва Япониянинг халқаро ривожланиш агентлиги" чиқмоқда.

Музокараларда "Ироқ ХВЖ кредитлаш дастурларига қўшилишни муҳокама қилди, бу мамлакатга иқтисодиётни ривожлантириш учун ҳам жамғарманинг ўзидан, ҳам бошқа молия-кредит инрститутларидан молиявий маблағларнинг олиши имкониятини тақдим қилади.

Ўтган ҳафтада Ироқ Марказий банки вакили ХВЖ билан музокаралар олиб борилишини, унда "Бағдодга узоқ муддатли кредит" бериш масаласи муҳокама қилинишини маълум қилганди. Марказий банк ходими Ироқ нафақат нефть нархи тушишидан, балки ИШИДга қарши уруш олиб бораётгани сабабли жиддий инқирозда бўлгани сабабли Бағдод ХВЖ томонидан молиявий кўмак олишга умид қилиши мумкинлигини тахмин қилганди.