Ўзбекистон президенти Ислом Каримов апрель ойи охирида Россияга расмий ташриф уюштиради. Бу ҳақда Россия молия вазири ўринбосари Сергей Сторчакка асосланган ҳолда РИА Новости нашри хабар берган.

“25-26 апрелда Ўзбекистон президенти Ислом Каримовнинг Россияга ташрифи режалаштирилган. Кун тартибига қўйилган масалалардан бири бу Ўзбекистон қуролли кучларини қайта жиҳозлаш масаладир”, — деди Сторчак Федерация Кенгаши мажлисида.

Ўзбекистон қуролли кучларини қайта жиҳозлаш мақсадида Россияда ишлаб чиқарилган ускуналар етказиб бериш режалаштирилган. Ушбу масалани муҳокама этиш Ислом Каримовнинг Москвага сафари мақсадларидан бири бўлади.