Air India авиакомпаниясининг самолётида Мумбай аэропортига қўнгач, ёнғин содир бўлган. Унинг бортида бўлган йўловчи ва экипаж аъзолари қутқарилган, жабрланганлар йўқ.

"Ҳайдарободдан учиб келган Boeing 737 самолёти режага кўра Мумбай аэропортига қўнгач,  унинг асосий ғилдираклар қисмида аланга пайдо бўлган", дейилади ТАСС ахборот агентлигининг Мумбай аэропорти диспетчерлик хизматига асосланиб берилган хабарида. 

Дастлабки маълумотларга кўра, ёнғинга самолёт олдинги шассисининг шинаси портлаши сабаб бўлган.

Ҳаво лайнери бортидаги 120дан ортиқ йўловчи ва экипажнинг 7 нафар аъзоси ҳалокат эшиклари орқали қутқарилган. Ёнғин бартараф этилган.

Аэропорт техник ходимлари самолётнинг барча тизимларини кўздан кечириб, тузатиш ишларини олиб бормоқда.