Россия президенти Владимир Путин Сурия президенти Башар Асад билан телефон орқали суҳбатда Россия ҳарбий-коинот кучлари Сурияга террорчиликка қарши курашида ёрдам беришни давом эттиришига ваъда берди. Бу ҳақда Путин матбуот котиби Дмитрий Песков маълум қилди.

"Путин Суриядан Россия ҳарбий контингентининг асосий қисми олиб чиқилганига қарамасдан, Россия қуролли кучлари Сурия ҳукуматига террорчиликка қарши курашида ва ўз ерини террорчилик гуруҳларидан озод этишида ёрдам бериш давом эттирилишини яна бир таъкидлаб ўтди", деб айтди Песков.

Песковнинг таъкидлашича, "Асад Россия ҳарбий-коинот кучлари ёрдамига юқори баҳо берди ва Пальмира каби шаҳарнинг озод этилиши Россия кўмагисиз мумкин бўлмаслигини таъкидлаб ўтган".

"Асаднинг айтишича, нефть учун кураш кетаётгани аёндир, бироқ унинг таъкидлашича, нефть ҳамма ерда бор, бироқ Пальмира ягонадир", деб қўшимча қилди Песков.