Шоколад ва қаҳва таъми сири очилди

Жамият 28 Март 2016 452

Америкалик тадқиқотчилар нима учун қаҳва ва шоколад бундай турфа хил таъмга эга эканлигини аниқлашди. Сиэтллик олимлар шоколад ва қаҳванинг сифатини яхшилаб, унинг таъмини турфа хил қилишга ёрдам берадиган ихтиро қилишди.

Маълумки, какао ёки қаҳва тайёрланганда бошоқлар ферментация босқичидан ўтади: улар махсус контейнерларга жойланиб, бир неча кун сақланади, бу уларга уларни этдан ажратишга имкон беради. Бу жараён якуний маҳсулотнинг таъми ва ҳидига сезиларли таъсир қилади. Ферментацияда дуража муҳим роль ўйнайди.

Олимлар сайёрамизнинг турли ҳудудларида дуражалар бир-биридан фарқ қилиш-қилмаслигини аниқлашга киришишди. Улар бунинг учун Жанубий ва Марказий Америка, Индонезия, Африка ва бошқа жойлар какаоси ва қаҳвасидан олишди. Лаборатория шароитларида дуражанинг турли штаммлари аниқланди. Ирсий таҳлил штаммлар бошоқларнинг географик келиб чиқишига кўра гуруҳлашганини кўрсатди. Бундан келиб чиқадики, ДНКнинг кетма-кетлиги бўйича бошоқлар қайси ҳудуддан эканлигини аниқлаш мумкин, бу эса, мисол учун қалбаки маҳсулотларнинг олдини олишга имкон беради. Бунда дуражаларнинг бир қисми ўзидан турли ҳудудлардан олинган штаммларни аралаштириш натижасида ҳосил бўлган дурагай дуражаларни намоён қилган.

Ушбу тадқиқот натижалари Current Biology журналида чоп этилди.

Кўпроқ янгиликлар