Дубай шаҳри қурилишини режалаштириш ва муҳандислик бўлими бош директор ўринбосари Абдуллоҳ Рафийнинг сўзларига кўра, 2021 йилга келиб аҳоли сонининг 3,3 миллион, 2030 йилга келиб эса 5,2 миллион нафарга етиши кутилмоқда.

"Шиддат билан ўсиб бораётган аҳолининг уй-жойга бўлган эҳтиёжини қондириш учун ҳар йили ўртача 3,500 хонадон қурилиши лозим", дейилади Дубай муниципалитети тақдим этган баёнотда.

Дубай Статистика маркази берган маълумотларга кўра, 2016 йил январь ҳолати бўйича Дубай аҳолиси беш фоизлик ўсиш билан 2,4 миллион нафар кишини ташкил этган.

“Ўсиб келаётган аҳолининг эҳтиёжларини қондириш мақсадида Дубай муниципалитети 2020 йилгача умумий энергия қувватининг етти фоизини, 2030 йилгача 25 фоизини ишлатишига тўғри келса, 2050 йилга бориб бу кўрсаткич 75 фоизга етади”, - деб қўшимча қилди Абдуллоҳ Рафий.

Шунингдек, Рафий аҳоли сони кўпайиб борар экан, ҳокимият 2021 йилга қадар карбонат ангидриди гази чиқиндилари ҳажмини 15 фоизга, 2030 йилгача энергия қуввати ва сувга бўлган талабни 30 фоизга камайтиришни режалаштирганини билдирди.

Дубайда яшовчи одамлар деярли 90 фоиз вақтини бинолар ичида, ёки уйда, ёки ишхонада ўтказишади. Бино ичида сарфланган энергия қуввати сарфи 80 дан 90 фоизгача етади.

Аҳоли сони билан бирга Дубайда осмонўпар бинолар қурилиши ҳам кўпаймоқда ва яқин даврда бу тезлик сусайиши кутилмаяпти.