29 март куни Мисрнинг Egypt Air авиакомпаниясининг А320 самолётини гаровга олган шахс сохта "бомба"дан фойдаланган. Бу ҳақда Кипр ИИВ раҳбари Иоаннис Касулидисга асосланиб, маҳаллий нашрлар хабар тарқатган.

Унинг маълум қилишича, авиақароқчи мобил телефонлар ғилофининг "бомба ғилофи" эканига самолётдагиларни ишонтирган.

"Бизда шубҳа бор эди, аммо текширувлар натижасида самолётда портловчи қурилма бўлмагани тасдиқланди", дейди вазир.

Унинг маълум қилишича, Мисрдан учиб келган самолёт экипажи билан араб тилини билувчи таржимон воситасида воқеа тафсилотлари аниқлаштирилган.

У шунингдек, самолётни гаровга олувчи Кипр ҳукумати унинг самолётни Истанбулга қўйиб юбориш таклифини қабул қилмаганидан кейин таслим бўлгани ҳақида билдирган.

Эслатиб ўтамиз, Сайф ад-Дин Мустафо исмли шахс 29 март куни Egypt Air авиакомпаниясининг Александриядан Қоҳирага учишни амалга ошираётган, бортида 81 киши бўлган самолётини гаровга олди. У ўз ёнида портловчи модда борлигини айтиб, экипаж ва йўловчиларга таҳдид қилган. Унинг талаби билан самолёт шимолга қараб учган, у Истанбулга учишни талаб қилган, аммо учувчи ёқилғи етмаслигини сабаб қилиб, Кипрнинг Ларнаки аэропортига қўнишни амалга оширган.

Бир муддат музокаралардан сўнг авиақароқчи қўл кўтариб таслим бўлди.