29 март куни Александрия шаҳридан Қоҳирага учишга чиққан самолёт йўловчилардан бири томонидан гаровга олиниб, Кипрга келтирилиб, Ларнақи аэропортига қўндирилгач, маҳаллий ҳукумат самолётни гаровга олган шахс билан музокарага киришди. Бу ҳақда Миср авиация вазирлиги маълум қилган.

"Ларнақи аэропорти раҳбарияти Egypt Air авиакомпанияси самолётини гаровга олган эркак билан алоқа ўрнатиб, музокара бошлаган", дейилади хабарда.

Кипр ҳукумати бу ҳодиса туфайли фавқулодда равишда координация маркази ташкил қилган.

Дастлабки хабарларга кўра, самолёт бортида 81 киши бўлган. Кейинроқ, гаровга олувчи самолёт бортидаги аёллар ва болаларни қўйиб юборгани айтилган.