Microsoft Хитойнинг China Electronics Technology Group Corp. компанияси билан ҳамкорликда Windows 10 операцион тизимининг Хитой ҳукумати учун махсус русумини тақдим этди. Бу ҳақда Tech In Asia нашри Caixin хитой журналига асосланиб хабар берди.

Microsoft’нинг Хитойдаги бош директори Ральф Хауптер янги Windows 10 операцион тизимидан керакли бўлмаган дастурлар олиб ташлангани, ҳукумат ходимларининг иш жараёнини ташкил этишда қўл келадиган ва хавфсизликни бошқариш учун керакли дастурлар ўрнатилганини нашрга хабар берди. Аммо “хитойча” Windows 10 операцион тизими бошқа версиядаги дастурлар билан ҳам мос келади.

Бугунги кунда Хитой ҳукумати Linux асосида яратилган NeoKylin операцион тизимига ҳомийлик қилмоқда ва ундан фойдаланмоқда. Бу операцион тизим Tianhe-2 суперкомпьютерида ишлатилади.