Мисрнинг Egypt Air авиакомпаниясига тегишли бўлган, йўловчилардан бири томонидан олиб қочилган А320 самолётидаги барча йўловчилар озодликда. Бу ҳақда Европарламент вакили Мартин Шульцга асосланиб, РИА Новости хабар тарқатган.

"Ларнакидаги аэропортдаги самолётнинг барча йўловчилари озод қилинган. Умид қиламизки, улар энди хавфсизликда", дейди Шульц.

Бундан олдинроқ, гаровга олувчи мисрликлар, болалар ва аёлларни қўйиб юборганини, бортда фақат хорижликлар ва экипаж аъзолари қолаётгани маълум қилинганди.

Эслатиб ўтамиз, 29 март куни тонгида Мисрда номаълум шахс А320 йўловчи самолётини гаровга олгани маълум бўлди. Самолёт Искандариядан Қоҳирага рейсни амалга ошираётган эди. Бир муддатдан сўнг лайнер Кипрнинг Ларнака шаҳри аэропортига қўнди.

Илгарироқ самолётни гаровга олган шахс Иброҳим Самаҳа исмли Миср фуқароси экани маълум қилинган эди.