Сурия осори-атиқа ва музейлари бош раҳбарияти раиси Маъмун Абдулкарим донгдор Пальмира ёдгорликлари вайрон бўлганини тасдиқлади.

Абдулкаримнинг сўзларига кўра, Пальмира тимсоллари – Бэл ибодатхонаси (I аср) ва Баалшамин ибодатхонаси (II аср), шунингдек, мозор водийси деб аталмиш жойдаги Зафар арки, “Шер Аллат” ҳайкаллари, бош суяклари ҳам барбод қилинган.

Рим империяси даврида қурилган театрга деярли зиён етмаган. Қолаверса, террористлар “ёдгорликлар қора бозори”да сотиб юборилгани тахмин қилинган кўплаб бюстларга ҳам зиён етмаган.

“Шер Аллат” ҳайкалларини ҳам қайта тиклаш мумкин”, - деб билдирди Абдулкарим.

Шунингдек, Сурия ёдгорликлари ва музейлари департаменти Пальмирага мутахассисларнинг биринчи гуруҳини юборди. Экспертлар омон қолган ёдгорликларни ўрганиб чиқишди.

“Музей-қўриқхонаси ҳудудидаги объектларнинг 80 фоизидан ошиғи сақланган ва қониқарли аҳволда”, - маълум қилди департамент архитектура маркази директори Назир Аввад.

Унинг сўзларига кўра, вайрон қилинган ва зиён етган ёдгорликларни қайта тиклаш учун агар ўз вақтида моддий ёрдам кўрсатилса, беш йил атрофида муддат керак бўлади.

Бундан ташқари, Авваднинг фикрича, ёдгорликларга бўлган таҳдид ҳамон хавф солиб турибди. Чунки жангарилар улар жойлашган ер остидан ўзларига бошпана кавлаб олишган.