“Рособоронэкспорт” раҳбари ўринбосари Сергей Гореславскийнинг маълум қилишича, Россия армиясининг Сурияда ўтказган ҳарбий амалиётларидан сўнг, жаҳонда рус қуролларига қизиқиш ортиб бормоқда. Бу ҳақда РИА «Новости» хабар қилган. 

Унинг қайд этишича, ҳозирда Яқин Шарқдаги айрим давлатлар Су-34 қирувчи-бомбардимончи самолётларини харид қилиш борасида музокаралар ўтказмоқда.

“Россия ҳаво космик кучларининг Суриядаги ишончли ҳаракатлари Су-34га қизиқишни орттирди. Бир ярим йил муқаддам, биз ушбу самолёт экспортига оид ўзига хос паспортини шакллантирган эдик, шундан сўнг юз берган воқеалар, танловимиз тўғри бўлганини кўрсатди. Айни вақтда, Яқин Шарқнинг айрим мамлакатлари унга жиддий қизиқмоқдалар”, - деган Гореславский.

Бундан ташқари, Россия ва Ҳиндистон FGFA бешинчи авлод самолётлари яратиш бўйича шартнома имзолаш арафасида.