Хмеймим авиабазасидан тайёрлаган видеолавҳалардан бирида “Искандер-М” оператив-ракета мажмуаси кўзга ташланиб қолди.

Ракета мажмуасининг 9П78-1 русумли учириш ускунаси, рус авиациясининг Суриядан чиқишига бағишланган лавҳада намойиш этилган. Уни “Служу России!” кўрсатувининг бешинчи дақиқасида авиабазадан парвоз қилаётган Ан-124 “Руслан” ҳарбий транспорт самолёти фонида илғаш мумкин.

Бундан аввал, “Искандер” мажмуаларининг Сурияда жойлаштирилиши хусусида расман маълум қилинмаган эди.

“Искандер-М” оператив-тактик ракета комплекси 1990-йилларда КБМ конструкторлик идораси томонидан ишлаб чиқилган ва 2006 йилда армияга қабул қилинган. У бирмунча эскирган “Точка” ва “Точка-У” ракеталари ўрнини эгаллаган. Ракеталарнинг парвоз масофаси 500 километрни ташкил этади, 280 километрга уча оладигани экспорт қилинади.

Аэробаллистик ракеталар бутун парвоз давомида бошқарилгани боис унинг йўналишини тахмин қилиш мушкул. Бу эса уни ракеталарга қарши мудофаа тизими томонидан уриб туширишни қийинлаштиради.