Сурия президенти Башар Асад РИА «Новости» агентлигига берган интервьюсида маълум қилишича, 2011 йилдан бери давом этиб келаётган фуқаролар урушидан кўрилган иқтисодий зарар 200 миллиард доллардан ошиб кетган.

«Иқтисодий ва инфратузилмаларга етказилган зарар миқдори 200 млрд доллардан кўпдир. Суриядаги вазият барқарорлашса, иқтисодий масалалар тезда ечимини топиши мумкин, аммо инфратузилмаларни тиклашга кўп вақт талаб этилади», — деган Башар Асад.

Бундан аввал хабар қилинганидек, Сурия раҳбарининг фикрича, расмий Дамашқ Женевадаги музокараларда зиддиятни сиёсий йўл билан ҳал этиш мақсадида мухолифатга ён босмоқда. Сурия мухолифатининг музокаралар бўйича Олий кенгаши ўз навбатида, Сурия ҳукумати вакиллари билан бевосита мулоқотга тайёрлигини билдирган эди.