Миср прокурори Кипр ҳукуматига 29 март куни Egypt Air авиакомпаниясининг Airbus A320 самолётини гаровга олиб, Ларнакага олиб кетган шахсни гаровга олишни сўраб, мурожаат юборган. Бу ҳақда Миср давлат телеканалига асосланган ҳолда Рейтер агентлиги хабар тарқатган.

Александриядан Қоҳирага учаётган самолётни портлатиб юбориш таҳдиди билан Кипрга олиб кетган Сайф ад-Дин Мустафо айни вақтда Кипрда 8 кун муддатга қамоққа олинган ва сўроқ бермоқда.

Бироз олдинроқ, унинг самолётни гаровга олишига Кипрдаги оиласини бориб кўриш истаги сабаб бўлгани ҳақида хабар берилганди.

Кипрда унинг собиқ рафиқаси ҳамда 3 нафар фарзанди яшайди.

Эслатиб ўтамиз, 29 март куни Миср вақти билан соат 8:30да бортида 51 нафар йўловчи ва 7 нафар экипаж аъзоси бўлган Мисрнинг Egypt Air авиакомпаниясига тегишли А-320 йўловчи самолёти номаълум кимса томонидан қўлга олинган эди. Самолёт Кипрнинг Ларнака аэропортида мажбурий қўнишни амалга оширган.

Кипр ТИВ вакили Александрос Зеноннинг билдиришича, расмийлар сўроқ якунларидан сўнг унинг террорчи эмас, руҳий беқарор киши эканлиги ҳақидаги хулосага келди.