Зимбабве президенти Роберт Мугабе 2018 йилда мамлакатда ўтказиладиган президентлик сайловида ўз номзодини илгари суришни режалаштирмоқда. У бу ҳақда Япониянинг “Санкэй” газетасига берган интервьюсида айтиб ўтган. Мугабе айни дамда расмий ташриф билан Токиода бўлиб турибди.

"Тарафдорларим номзодимни илгари суришни таклиф қилишмоқда, — деди Зимбабвенинг 92 яшар президенти. – Мен тетикман. Агар халқ истаса, мен ўз ишимни давом эттиравераман".

Маълумот учун: Роберт Мугабе — дунёдаги энг кекса давлат раҳбари бўлиб, у Зимбабве мустақилликни қўлга киритган 1980 йилдан бери мамлакатни бошқариб келади.