НАТОда альянснинг қирувчи самолётлари Болтиқ денгизи устида Россиянинг учта самолёти – иккита Су-27 ва битта Ту-154 самолётини Су-27 самолётлари парвоз этишнинг халқаро меъёрларига риоя қилмагани сабабли кузатиб боргани маълум қилинди. Бу ҳақда РИА “Новости” ахборот агентлиги хабар бермоқда.

"28 мартда НАТО радарлари Болтиқ денгизи халқаро ҳудудлари устида учта самолёт: Россиянинг иккита ҳарбий самолёти Су-27 ва транспорт самолёти Ту-154 ни аниқлади. Су-27 самолётлари парвоз режасини тақдим қилмади, диспетчерлар билан алоқага чиқмади ва транспондерларни ишлатмади. Ту-154 самолёти парвоз режасини тақдим қилди ва транспондерни ишлатди", деб хабар бермоқда НАТО вакили ва альянс "парвоз этишнинг халқаро меъёрларига риоя қилмайдиган, НАТОга аъзо давлатлар ҳаво ҳудудига яқинлашаётган ҳарбий ва фуқаролик самолётларига жавоб беришини" таъкидлади.

Россия мудофаа вазири Сергей Шойгу самолётининг Калининградга Болтиқ денгизидаги нейтрал ҳудуд устидан парвози вақтида иккита Су-27 самолёти кузатиб борган, 2 км ортда эса уларни НАТОнинг Eurofighter ҳарбий самолётлари таъқиб қилган.