Оқ уйда Россия Вашингтонда 1-2 апрелда ўтадиган ядровий хавфсизлик бўйича халқаро саммитда иштирок этмасликка қарор қилиб, "имкониятни қўлдан чиқарди", деб айтилди. Бу ҳақда Reuters ахборот агентлиги хабар берди.

"Биз Россиянинг бундай юқори даражадаги учрашувда иштирок этмаслик қарорини қўлдан чиқарилган имкониятдир, деб ҳисоблаймиз", деб айтди АҚШ президентининг миллий хавфсизлик бўйича маслаҳатчиси Бен Роудс.

Шунингдек таъкидланишича, Россиянинг музокараларда иштирок этмаслиги уни фақатгина яккалаб қўймоқда.

"Рост айтадиган бўлсак, улар қилаётган иш – улар аввал қилгандек, иштирок этмасдан ўзларини яккалаш бўлмоқда", деб қўшимча қилди Роудс. У АҚШ ва Россия ҳамкорлик ва ядровий хавфсизлик масалаларини муҳокама қилишни давом эттиришини таъкидлаб ўтди.

Шунингдек, маълум қилинишича, Украина президенти Пётр Порошенко саммитда Россия Қримда ядровий қуролни жойлаштирмоқчи эканлиги ҳақида нутқ сўзлайди.