Қирғизистон президенти Алмазбек Атамбаев CASA-1000 лойиҳаси амалга оширилгандан кейин унга иштирокчи давлатлар ўртасида ўзаро манфаатли ҳамкорликка катта умид билдирмоқда.

CASA-100 лойиҳаси Тожикистон ва Қирғизистондан Афғонистон ва Покистонга электр энергия етказиб берилишини кўзда тутади.

30 мартда Бишкекда Покистон элчисининг ишонч ёрлиқларини топшириш маросимида Атамбаев Қирғизистон бу давлат билан икки томонлама ҳамкорликнинг янада мустаҳкамланишига қизиқиш билдиришини таъкидлаб ўтди.

"Шу сабабли, мамлакат президенти (Атамбаев) Душанбеда май ойида расман старт бериладиган CASA-1000 лойиҳасининг биргаликда амалга оширишилиши лойиҳанинг барча иштирокчи давлатларига фойда ва наф келтиришига умид билдирди", деб хабар бермоқда Атамбаев матбуот хизмати.

Лойиҳанинг амалга оширилиши 1-босқичида 500 кВ ли Датка-Хўжанд электр узатиш линияси қуриш режалаштирилмоқда, бу линия Қирғизистон ва Тожикистон энергия тизимларини боғлайди. Шунингдек, Тожикистондан Афғонистон орқали Покистоннинг Пешовар шаҳрига юқори вольтли электр узатиш линиясини барпо этиш режалаштирилмоқда. Бундан ташқари, бутун линия бўйлаб конвертер подстанциялари ўрнатиш режалаштирилмоқда.

Лойиҳани 2020 йилгача якунлаш мўлжалланмоқда. Лойиҳанинг умумий қиймати 1 млрд доллардан кўпроқни ташкил қилади.