Суриянинг амалдаги президенти Башар Асад муддатидан олдин президентлик сайловлари ўтказилишига қарши бўлмаслиги ҳақида маълум қилган. Бу ҳақда РИА Новости хабар тарқатган.

Таъкидланишича, у Сурия халқи шуни истаса бу истакка тайёр бўлишини айтган.

"Бу Сурия халқининг танловига боғлиқ. Агар халқ мамлакатда муддатидан олдин сайловлар ўтказилишини истаса, бу мен учун муаммо бўлмайди. Бу озчилик мухолифат вакилларига эмас, халқ иродасига боғлиқ. Бу савол ҳар бир сурияликка тааллуқлидир, чунки Сурияда ҳар ким президентни сайлаш ҳуқуқига эга", дейди Асад.

Давлат раҳбари муддатидан аввал президентлик сайловлари ўтказилишининг талаб этилиши "жорий сиёсий жараённинг бир қисми сифатида илгари сурилмагани"ни маълум қилди.