Сурия президенти Башар Асад Туркия раҳбари Ражаб Тойиб Эрдўғанни террорчиларни қўллаб-қувватлашда ва жангариларга Туркия ҳудуди орқали ҳаракатланишига йўл қўйиб беришда айблади. Бу ҳақда РИА Новости хабар тарқатган.

Асаднинг сўзларига кўра, Эрдўған террорчиларга Туркия ҳудудида танклар орқали ҳарбий манёврлар ўтказишга рухсат берган.

"Бу алоҳида шахсларни чегаралардан ўтказиш билангина чегараланмайди. ИШИД Саудия Арабистони, Қатар ва Туркия орқали молиялаштирилган. Эрдўған ИШИД нефтини сотиб олган, турк ҳарбийлари жангариларга ёрдам бериш учун артиллериядан Сурия ҳудудига доимий равишда ўқ узиб турган", дейди Асад.

Унинг айтишича, Туркиянинг ҳаракатларини "эълон қилмасдан бошқа мамлакат ҳудудига кириш" деб баҳолаган.

У шунингдек, Туркиянинг Су-24 самолётини уриб туширишини Дамашқ билан муносабатларга ҳужум сифатида баҳолаган.