Бельгия суди 2015 йилнинг 13 ноябрь куни Парижда содир этилган терактларни ижро этишда гумон қилиниб, қўлга олинган Салоҳ Абдисломни Франциянинг экстрадицияга боғлиқ арзномасини бажариш ҳақидаги қарорни қабул қилди.

“Энди Бельгия ва Франция ҳукумати экстрадицияга боғлиқ кейинги қарорларни биргаликда қабул қилади”, - дея хабар беради прокуратура.

“Салоҳ Абдислом француз ҳукумати билан ҳамкорлик қилишга ҳамиша тайёр ва у экстрадацияга қарши эмас”, - деб қайд этди маҳбуснинг адвокати Седрик Муасс.

Қайд этилишича, Бельгия ҳукуматида Абдисломни топшириш ҳақидаги қарорни қабул қилиши учун яна 24 соат вақт бор.