Эрдўған: ЕИ давлатлари терроризм таҳдиди ҳақида тўлиқ тушунчага эга эмас

Жаҳон 31 Март 2016 721

Туркия президенти Ражаб Тойиб Эрдўғаннинг фикрича, Европа Иттифоқидаги кўплаб мамлакатлар терроризмдан келадиган таҳдидни тўлиқ англаб етишмаяпти ва шу туфайли терроризмга қарши кураш оқсамоқда. У бу фикрларини CNN телеканалига бергани интервьюсида айтиб ўтган.

"Биз давлатларни терроризмга қарши биргаликда туришга чақирамиз. Лекин ЕИдаги бир қатор давлатлар террор таҳдиди ҳақида яхши тушунчага эмасга ўхшайди", дейди туркияликлар раҳбари.

CNN томонидан қайд этилишича, Эрдўған ЕИ давлатларини терроризмга қарши курашда масъулиятсизлик кўрсатаётгани учун танқид ҳам қилган. У Анқара Брюсселга жангарилардан бири ҳақида маълумот юборгани, бельгияликлар 22 март кунги терактнинг олдини олишолмаганини эслатиб ўтган.

"Маълумотлар алмашишни йўлга қўйишимиз кутилган самарани бермаяпти", деган у.

Эрдўған Туркия ҳукумати ИШИДга қарши курашни давом эттиришини таъкидлаган. "Биз Европа давлатларидан ҳам шуни кутамиз", деган Туркия президенти.

Бундан олдинроқ, Туркия президенти Тойиб Эрдўғон, 18 март куни Чанаққалъада бўлиб ўтган “Дарданел операцияси” бир йиллигига бағишланган тантанали тадбирда нутқ сўзлар экан, Брюсселда содир этилиши мумкин бўлган терактлар ҳақида гапиргани хабар қилинганди.

22 март куни Брюссель аэропортида иккита портлаш содир этилди. Кўп вақт ўтмасдан Брюсселдаги метро станцияларида ҳам 4та теракт амалга оширилди. Сўнгги маълумотларга кўра, портлашлар оқибатида 31 киши ҳалок бўлган, 300дан ортиқ киши жароҳатланган.

Терактдан кейин Туркия Брюсселда ўзини портлатган жангарилардан бири Иброҳим Бакравийни 2015 йилнинг ёзида Газиантеп ҳудудида ўтказилган амалиётлардан кейин терроризмга алоқадорлиги учун қўлга олиб, Бельгияга депорт қилгани ҳақида маълум қилинди.

"Биз Бельгия элчихонасини бу ҳақида огоҳлантиргандик. Улар эса бу террорчини қўйиб юборишган. У ёлланма жангари эди, Бельгия ҳукумати эса бунга эътибор қаратмади", дейди Эрдўған.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 93950 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46029 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51315 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9160 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20012 Ўзбекистон
Бразилия полицияси мавжуд бўлмаган спортчиларда пул қилган гуруҳни аниқлади
00:50 98 Жаҳон
Барселонада “Европанинг исломлашувига” қарши намойиш тарқатиб юборилди
00:40 427 Жаҳон
Олий Мажлис сенаторларидан бирининг ваколати муддатидан аввал тугатилди
Трамп ўзининг бош маслаҳатчаларидан бирини бўшатишга қарор қилди
00:24 321 Жаҳон
Дунёдаги энг кекса қочқин аёлга Швецияда бошпана бериш рад этилди
00:11 1193 Жаҳон
Кўпроқ янгиликлар