КХДР Ташқи ишлар вазирлиги АҚШнинг ҳаракатларига муносабат сифатида "ядровий кучлар"дан фойдаланишлари мумкинлиги ҳақида маълум қилди. Бу ҳақда РИА Новости хабар тарқатган.

Қайд этилишича, шимолликлар агар АҚШ уларнинг суверентитетига дахл қилса, шундай йўл тутишади.

"АҚШ бизнинг олий манфаатларимиз ва суверенитетимизга путур етказиш учун ҳаракат қилса, биз дарҳол ядровий кучлардан фойдаланган ҳолда ўзимизни ҳимоя қиламиз", дейилган баёнотда.

6 январь куни Шимолий Корея водород бомбасининг муваффақиятли тажрибаси ҳақида маълум қилган, 7 январь куни эса баллистик ракеталарнинг муваффақиятли синови ҳақида айтилди. Шундан сўнг, минтақада вазият қийинлашди.