Беларусь президенти Лукашенконинг баёнотига кўра, расмий Минск НАТО сафи янги аъзолар билан кенгайиб бораётганидан хурсанд бўлаётгани йўқ. 

"Шимолий Атлантика альянсининг шарқ томон кенгайиб бораётгани бизнинг ташвишимизга асос бўлмоқда. Бу ҳолат бевосита бизнинг чегарамиз яқинида бўлаётгани сабабли, эътиборсиз қолдиришга ҳаққимиз йўқ", - деган Беларусь раҳбари.

"Мен вазиятни ўта жиддий демоқчи эмасман, яъни НАТО нафақат Россия, балки Беларусь билан урушиш ниятида бўлмаса керак. Ҳозирги шароитда, Европанинг ушбу минтақасида яна бир ҳарбий можаро Америка ва Европага ҳам керак эмас", -дея Лукашенко сўзларидан иқтибос келтиради ТАСС агентлиги.

Лукашенко шунингдек, АҚШ мудофаа вазири ёрдамчисининг ўринбосари Майкл Карпентер билан ўтказган учрашувида, АҚШ тинч ва барқарор Европага муҳтож деган фикрни илгари сурган.