Онтариодаги Авлиё Иосиф Халдейский католик черкови роҳиби Сака мамлакатдаги муҳожирларни қўллаб-қувватлаш учун ажратилган пулларни ишлатиб қўйди.

The Toronto Star нашрининг ёзишича, ўтган ойда роҳиб, епископ Эммануэл Шалетга телефон орқали қўнғироқ қилиб, муҳожирлар эҳтиёжлари учун ажратилган маблағларни йўқотиб қўйганини тан олган. Гап оз эмас, кўп эмас, салкам 380 минг доллар ҳақида бормоқда.

Шалетнинг воқеа қандай содир бўлгани ҳақидаги саволига, Сака пулни азарт ўйинларга сарф қилганини айтган. Маҳаллий полиция маҳкамаси ушбу масала юзасидан ариза қабул қилингани, 15 мартда тергов ишлари бошланганини маълум қилди. Ҳозирча, Сакага нисбатан жиноий иш қўзғатилмаган. У турли муаммоларга дуч келган диний хизматчилар даволанадиган шифохонада даволаш курсидан ўтмоқда.