Украина президенти Петро Порошенконинг айтишича, мамлакат шарқида кейинги 2 йил давомида олиб борилган қуролли низолар туфайли камида 10 минг киши ҳалок бўлган. "112 Украина" нашрида ёзилишича, президент қурбонларнинг 2,7 мингдан ортиғи ҳарбий хизматчилар бўлганини маълум қилган.

Вашингтондаги "Украина озодлиги учун кураш давом этади" номли форумда Порошенко бу миқдор АҚШнинг Афғонистонда кейинги 15 йилда олиб борган ҳарбий ҳаракатларидаги йўқотишларидан кўплигини таъкидлаб ўтган.

"Донецк ва Луганскда ва Украинанинг бошқа ҳудудларида 1,8 млн киши ўз бошпаналаридан айрилди. Украина ҳудудининг 7 фоизи оккупация қилинган ҳолатда қолмоқда. Украина иқтисодиётининг 20 фоизи йўқ қилинган", дейди Порошенко.

Порошенко 30 мартдан 3 апрелга қадар АҚШда расмий ташриф билан бўлади. Президент иштирокидаги форум 30 март куни кечқурун Капитолий тепалигидаги ташриф буюрувчилар марказида бўлиб ўтди.

Порошенко Россияни Донбассдан “туёғини шиқиллатиш”га чақирди