Вьетнам социалистик республикаси Миллий мажлиси раислигига мамлакат тарихида илк бора аёл сиёсатчи сайланди. Парламентнинг Ханойда бўлиб ўтаётган 13 чақириқ 11 сессиясида 62 ёшли Нгуен Тхи Ким Нган қонун чиқарувчи органнинг янги спикери этиб сайланган

2011 йилдан Миллий мажлис депутати Нгуен Тхи Ким Нган шу пайтгача спикер ўринбосари бўлиб келган. Вьетнам коммунистик партиясининг январь ойида бўлиб ўтган XII съезди, уни парламент спикерлигига тавсия қилган эди.

Ҳафтанинг сўнггига қадар, мамлакат парламенти ўз ваколатларини топшираётган давлат раҳбари Чионг Тан Шанг ўрнига, янги давлат раҳбарини сайлаб олишлари керак. Жамоат хавфсизлиги вазири, 61 ёшли генерал Чан Дай Куанг ушбу лавозимни эгаллаши кутилмоқда. Унинг номзоди ВКП (Вьетнам коммунистик партияси) XII съездида президентликка тавсия қилинган эди.