Япония бош вазири Синдзо Абэ ва Хитой бош котиби Си Цзиньпин Вашингтонга ядровий хавфсизлик бўйича саммитда иштирок этиш учун етиб келдилар. Бу ҳақда Япониянинг АҚШдаги элчихонаси ва Хитойнинг "Синьхуа" ахборот агентлиги маълум қилди.

31 мартда Си Цзиньпиннинг АҚШ президенти Барак Обама билан учрашуви бўлиб ўтади. Синдзо Абэ, ўз навбатида, Обама ва Жанубий Корея президенти Пак Кин Хе билан Шимолий Кореядаги вазиятни муҳокама қилади.

Саммитда Россия иштирок этмасликка қарор қилди. Тадбирда 50 дан кўпроқ давлат раҳбарлари иштирок этиши кутилмоқда.