Диёрбакирдаги портлаш қурбонлари сони 7 нафар бўлди

Жаҳон 01 Апрель 2016 392

31 март кунининг иккинчи ярмида Туркия жануби-шарқидаги Диёрбакир шаҳрида юз берган теракт қурбонлари сони 7 нафарни ташкил этди. Бу ҳақда тараққиёт ишлари бўйича вазир Жавдат Йилмазга таяниб Рейтер агентлиги хабар тарқатган.

Аниқланган маълумотларга кўра, террорчилар портловчи модда билан тўлдирилган автомобилни масофадан туриб портлатган, у Диёрбакир автовокзали яқинидаги йўл четига тўхтатиб қўйилган бўлган. Портлаш, мина ўрнатилган машинага полициячиларни ташиб кетаётган хизмат автобуси яқин келганида содир бўлган.

Натижада 7 нафар полициячи ҳалок бўлган ва 27 киши турли даражадаги тан жароҳатлари олган.

Дастлабки хабарларда портлаш 4 кишининг умрига зомин бўлгани ва 20га яқин киши жароҳатлангани ҳақида хабар берилганди.

Хабар қилинишича, портлаш аҳоли гавжум ҳудудда юз берган ва жабрланганларнинг 13 нафари полиция ходимлари, 14 нафари оддий фуқаролар бўлган. Яраланганларнинг барчаси касалхоналарга ётқизилган, баъзиларнинг аҳволи оғир бўлиб қолмоқда.

Мамлакат президенти Ражаб Тойиб Эрдўған бу воқеага муносабат билдириб ўтди.

"Бу теракт яна бир марта терроризмнинг ҳақиқий юзини кўрсатиб берди. Биз бу балони даф қилишимиз керак", деган у.

Бу теракт Туркия бош вазири Аҳмад Довудўғлининг 1 апрелга мўлжалланган Диёрбакирга ташрифи арафасида юз берди.

Кун янгиликлари
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 11758 Ўзбекистон
Ўзингиз ва оёқларингизга роҳат берадиган Heritage гиламларини 30-40 фоиз чегирма билан харид қилинг
16:59 / 21.07.2017 4543 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 47059 Ўзбекистон
Ғайриқонуний ҳукм ёхуд суд устидан кимга шикоят қилиш керак?
09:52 / 21.07.2017 19695 Жамият
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 51448 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 87096 Жамият
Видео: 40 тонна келувчи букри китнинг сакраши 
Пластик картадаги пулни нақдлаштириб беришни ваъда қилган фирибгар қўлга олинди
17:04 1707 Жамият
Исроиллик ҳарбийлар 3 кишини пичоқлаб ўлдирган фаластинликнинг уйини бузиб ташлайди
17:03 1252 Жаҳон
Президент Паркент туманидаги боғда бўлди
Кўпроқ янгиликлар