Россияда Рамазотти концертларининг ташкилотчиси "Глобал коммуникациялар" компанияси хонанданинг шартнома шартларига амал қилмагани учун уни судга бермоқчи.

"Биз даъво аризасини тайёрлаб қўйдик, душанба куни у Москва Арбитраж судига топширилади. Даъво 1,5 миллион еврони ташкил қилади ва кейинчалик чиқимлар ортгани сари биз уни янада оширишни режалаштирганмиз, чунки турне 10дан ортиқ шаҳарда ўтказилиши режалаштирилганди, ҳозир барча харажатлар тўлиқ ҳисоблаб чиқилмоқда", - деди Панасюк.

Адвокатнинг айтишича, ташкилотчилар анча харажат сарф қилишган.

"Ундан ташқари биз Рамазоттига тўланган гонорарларни ундан қайтариб олмоқчимиз. Унга жуда катта пул тўланган, шунга қарамай у келмади. Даъво хонанданинг расмий вакили Radio Rama компаниясига қарши қўзғатилади", - деб аниқлик киритди Панасюк.

Ундан ташқари, "Глобал коммуникациялар" Рамазотти концертларининг ташкилий ҳамкори ҳисобланган Trident Music продюсерлик компаниясидан ҳам 2 миллион евро ундириш ниятида.