Франциянинг нуфузли "Le Figaro" нашри ўзининг "Путиннинг қўрқоқ демократларга сабоғи" деб номланган мақоласида Европа давлатлари ҳукуматларининг ҳаракатларини қаттиқ танқид остига олди.

Европа ОАВлари Россиянинг Сурия инқирозини тартибга солиш ва ИШИДни йўқ қилишдаги ролини тан олмоқдалар. 

"Фигаро"даги мақолада Сурияда ИШИДга қарши курашдаги муваффақиятга фақатгина Россиянинг саъй-ҳаракатлари туфайлигина эришилгани қайд қилиб ўтилди.

"Кимга раҳмат айтиш керак? Путинга раҳмат, айнан Россия авиациясининг ИШИД позицияларига ўз вақтида берган зарбалари эвазига Сурия армияси Пальмирани озод қила олди", дейилмоқда мақолада.

Мақола муаллифи Иван Риуфолнинг фикрича, Европа Иттифоқи ва АҚШ ҳукуматлари ИШИД жангариларини йўқ қилишда деярли ҳеч нарса қилмаганлар, чунки Путиндан фарқли ўлароқ, улар ким билан ва қандай жанг қилиш ҳақида тасаввурга эга ҳам бўлмаганлар.

"Пальмиранинг озод этилиши АҚШ ва ҳалоскорлар орасида бўлмаган унинг француз иттифоқчиларининг заифлигини кўрсатади. Путиннинг танқидчилари жуда кўп, бироқ у ақалли душманлари ким ва улар билан қандай курашиш ҳақида аниқ тасаввурга эга", дейилмоқда мақолада.