Корея халқ демократик республикаси ҳукумати мамлакат ҳудудида Facebook ижтимоий тармоғи, YouTube видеосервиси, Twitter микроблоглар хизматидан фойдаланиш бўйича тақиқ жорий этди. Бу ҳақда Associated Press хабар тарқатган.

Қайд этилишича, КХДРда Жанубий Корея ОАВи сайтлари ҳам тўсилган.

Почта ва телекоммуникациялар вазирлигининг тегишли кўрсатмаси Koryolink mobil алоқа миллий провайдери ва интернет хизматларини тақдим этадиган бошқа ташкилотларга йўналтирилди.

Вазирлик баёнотида айтилишича, бу тақиқ орқали республикага қарши қаратилган ёлғон ташвиқот тарқалишининг олдини олиш кўзда тутилган. Шунингдек, бу тақиқлар интим хусусиятга эга ахборотлар бўлган сайтларни блоклаш мақсадида жорий этилган.

Хабарда қайд этилишича, бир неча ойдан буён КХДР ҳукумати бу ҳақда расман эълон қилмасдан туриб, норасмий равишда хориж сайтлармни блоклаб келганди.

Маълумот учун, КХДР аҳолисининг жуда озчилик қисмигина интернетдан фойдаланиш имконига эга ҳисобланади. Энди бу қатлам фақатгина рухсат этилган сайтларга киришлари мумкин бўлади.