Нижний Тагилда 23 ёшли тарих ўқитувчиси Вячеслав Пушкин самбо билан шуғулланувчи 19 яшар ўсмир Илья Б. етказган тан жароҳати туфайли ҳаётдан кўз юмди. Бу ҳақда маҳаллий янгиликлар агентлиги «Между строк» хабар қилмоқда.

Хабарларга қараганда, воқеа шу йилнинг 20 февралида юз берган. Ўсмирнинг ўқитувчига жиддий тан жароҳати етказишига рашк сабаб бўлган. Илья ўзи ёқтириб юрган тиббиёт коллежининг талаба қизига тарих мураббийининг кўз олайтираётганидан хабар топгач, орани очиқ қилиш учун ўқитувчини мактаб фойесига таклиф этади.

Икки ошиқ ўртасида кечган мулоқот чоғида юз берган жанжалда самбочи мактаб устозининг бошига уради. Шундан сўнг, Вячеслав Пушкин бетон полга йиқилган ва шифохонага ётқизилган. Бир ойдан кўпроқ шифохонада ётган педагог, 28 март куни олинган тан жароҳати сабабли ҳаёт билан видолашди.

Айни пайтда, «Соғлиққа қассдан оғир зиён етказиш» банди бўйича жиноий иш қўзғатилган, гумондорга нисбатан ҳозирча бирон чора кўрилмаган.