АҚШ ҳарбий-денгиз кучлари Жануби-Хитой денгизида баҳсли ороллар яқинида навбатдаги ҳарбий-денгиз машғулотларини ўтказмоқчи, деб хабар бермоқда хабардор манбага иқтибос келтирган ҳолда Reuters ахборот агентлиги.

Маълум қилинишича, ҳарбийлар машғулотни апрель бошларида ўтказишмоқчи. Айни вақтда машғулотларда қандай кемалар иштирок этиши номаълум.

Аввалроқ АҚШ президенти Барак Обама Хитойни ороллар атрофидаги баҳсни тинчлик билан ҳал қилишга чақирганди.

Жануби-Хитой денгизидаги Парасель ороллари ҳудудига эгалик қилиш учун Хитой, Тайвань, Бруней, Филиппин, Малайзия ва Вьетнам баҳс олиб боради. Хитой ҳукумати бу ҳудудда инфратузилма яратмоқда, жумладан маржон қояларда сунъий ороллар барпо этмоқда. Бундан ташқари, Хитой оролларда ҳарбий техника жойлаштирмоқда.